Nakusalaṁ navipākaṁ dhammaṁ paṭicca nakusalo navipāko dhammo uppajjati hetupaccayā. Nakusalaṁ navipākaṁ dhammaṁ paṭicca naakusalo navipāko dhammo uppajjati hetupaccayā. Nakusalaṁ navipākaṁ dhammaṁ paṭicca naabyākato navipāko dhammo uppajjati hetupaccayā. Nakusalaṁ navipākaṁ dhammaṁ paṭicca nakusalo navipāko ca naabyākato navipāko ca dhammā uppajjanti hetupaccayā. Nakusalaṁ navipākaṁ dhammaṁ paṭicca nakusalo navipāko ca naakusalo navipāko ca dhammā uppajjanti hetupaccayā.

Naakusalaṁ navipākaṁ dhammaṁ paṭicca naakusalo navipāko dhammo uppajjati hetupaccayā … pañca.

Naabyākataṁ navipākaṁ dhammaṁ paṭicca naabyākato navipāko dhammo uppajjati hetupaccayā … cha.

Nakusalaṁ navipākañca naabyākataṁ navipākañca dhammaṁ paṭicca nakusalo navipāko dhammo uppajjati hetupaccayā … pañca.

Naakusalaṁ navipākañca naabyākataṁ navipākañca dhammaṁ paṭicca nakusalo navipāko dhammo uppajjati hetupaccayā … pañca.

Nakusalaṁ navipākañca naakusalaṁ navipākañca dhammaṁ paṭicca nakusalo navipāko dhammo uppajjati hetupaccayā … tīṇi. (Saṅkhittaṁ.)

Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa. (Sabbattha vitthāro.)

Nakusalaṁ navipākadhammadhammaṁ paṭicca nakusalo navipākadhammadhammo uppajjati hetupaccayā. Nakusalaṁ navipākadhammadhammaṁ paṭicca naakusalo navipākadhammadhammo uppajjati hetupaccayā. Nakusalaṁ navipākadhammadhammaṁ paṭicca nakusalo navipākadhammadhammo ca naakusalo navipākadhammadhammo ca dhammā uppajjanti hetupaccayā.

Naakusalaṁ navipākadhammadhammaṁ paṭicca naakusalo navipākadhammadhammo uppajjati hetupaccayā. Naakusalaṁ navipākadhammadhammaṁ paṭicca nakusalo navipākadhammadhammo uppajjati hetupaccayā. Naakusalaṁ navipākadhammadhammaṁ paṭicca nakusalo navipākadhammadhammo ca naakusalo navipākadhammadhammo ca dhammā uppajjanti hetupaccayā.

Nakusalaṁ navipākadhammadhammañca naakusalaṁ navipākadhammadhammañca dhammaṁ paṭicca nakusalo navipākadhammadhammo uppajjati hetupaccayā. Nakusalaṁ navipākadhammadhammañca naakusalaṁ navipākadhammadhammañca dhammaṁ paṭicca naakusalo navipākadhammadhammo uppajjati hetupaccayā. Nakusalaṁ navipākadhammadhammañca naakusalaṁ navipākadhammadhammañca dhammaṁ paṭicca nakusalo navipākadhammadhammo ca naakusalo navipākadhammadhammo ca dhammā uppajjanti hetupaccayā. (Saṅkhittaṁ.)

Hetuyā nava …pe… avigate nava. (Sabbattha nava.)

Nakusalaṁ nanevavipākanavipākadhammadhammaṁ paṭicca nakusalo nanevavipākanavipākadhammadhammo uppajjati hetupaccayā. (Saṅkhittaṁ.)

Hetuyā catuvīsa …pe… āsevane sattarasa …pe… vipāke nava …pe… avigate catuvīsa.