22.15. Kusalattika, Sauttaraduka

Nakusalaṁ nasauttaraṁ dhammaṁ paṭicca abyākato sauttaro dhammo uppajjati hetupaccayā. Naakusalaṁ nasauttaraṁ dhammaṁ paṭicca abyākato sauttaro dhammo uppajjati hetupaccayā. Naabyākataṁ nasauttaraṁ dhammaṁ paṭicca abyākato sauttaro dhammo uppajjati hetupaccayā. Naakusalaṁ nasauttarañca naabyākataṁ nasauttarañca dhammaṁ paṭicca abyākato sauttaro dhammo uppajjati hetupaccayā. Nakusalaṁ nasauttarañca naakusalaṁ nasauttarañca dhammaṁ paṭicca abyākato sauttaro dhammo uppajjati hetupaccayā. (Saṅkhittaṁ.) Hetuyā pañca, adhipatiyā pañca …pe… vipāke tīṇi …pe… avigate pañca.

Nakusalaṁ naanuttaraṁ dhammaṁ paccayā kusalo anuttaro dhammo uppajjati hetupaccayā … (Saṅkhittaṁ.) Hetuyā cha …pe… vipāke tīṇi …pe… avigate cha.