Namo tassa Bhagavato Arahato Sammāsambuddhassa.

Nahetuṁ nasahetukaṁ dhammaṁ paṭicca hetu sahetuko dhammo uppajjati hetupaccayā. Nahetuṁ nasahetukaṁ dhammaṁ paṭicca nahetu sahetuko dhammo uppajjati hetupaccayā. Nahetuṁ nasahetukaṁ dhammaṁ paṭicca hetu sahetuko ca nahetu sahetuko ca dhammā uppajjanti hetupaccayā … tīṇi.

Nanahetuṁ nasahetukaṁ dhammaṁ paṭicca nahetu sahetuko dhammo uppajjati hetupaccayā … ekaṁ. (Saṅkhittaṁ.)

Hetuyā cattāri, ārammaṇe cattāri …pe… purejāte āsevane tīṇi …pe… vipāke tīṇi …pe… avigate cattāri.

Nanahetu naahetuko dhammo nahetussa ahetukassa dhammassa hetupaccayena paccayo. (Saṅkhittaṁ.)

Hetuyā ekaṁ, ārammaṇe cha, adhipatiyā tīṇi, anantare cha …pe… sahajāte aññamaññe cattāri, nissaye pañca, upanissaye cha, purejāte tīṇi, āsevane ekaṁ …pe… sampayutte ekaṁ, vippayutte tīṇi …pe… avigate pañca.

Pañhāvāraṁ vitthāretabbaṁ.

Nahetuṁ naahetukaṁ dhammaṁ paṭicca nahetu ahetuko dhammo uppajjati hetupaccayā … ekaṁ.

Nanahetuṁ naahetukaṁ dhammaṁ paṭicca nahetu ahetuko dhammo uppajjati hetupaccayā … ekaṁ.

Nahetuṁ naahetukañca nanahetuṁ naahetukañca dhammaṁ paṭicca nahetu ahetuko dhammo uppajjati hetupaccayā … ekaṁ. (Saṅkhittaṁ.)

Hetuyā tīṇi, ārammaṇe ekaṁ …pe… sahajāte pañca, aññamaññe cattāri …pe… vipāke tīṇi …pe… avigate pañca.